لندن (ایس این این ) فیس بک والوں نے سال رواں کی پہلی کمیونٹی اسٹینڈرڈز رپورٹ شائع کردی ہے جس میں یہ انکشاف کیا گیا ہے کہ اس نے گزشتہ 6ماہ میں ایک ارب 30کروڑ جعلی اکاؤنٹ بند کئے ہیں مگر اس کے باوجود طرح طرح کی قابل اعتراض باتوںپر مشتمل عبارتوں کا سلسلہ بھی بلا روک ٹوک پھر بھی جاری ہے۔ اس دوران فیس بک نے دہشتگردی اور نفرت کے حوالے سے آنے والے لاکھوں پیغامات کوحذف کیا اور اسکے لئے خاص تکنیک سے کام لیا گیا۔ جن اکاؤنٹس کو بند کیا گیا ہے ان میں عریانیت اور فحاشی کے ذیل میں آنے والی باتیں بھی شامل ہیں۔
