افغانستان میں پاکستانی سفارت کار رہائش گاہ کے باہر قتل

کابل: افغانستان میں پاکستانی سفارت خانے کے اہلکار کو بے دردی سے قتل کر دیا گیا ہے،پاکستان نے سفارت کار کے قتل کی شدید الفاظ میں مذمت کرتے ہو ئے عملےکی سیکیورٹی کو یقینی بنانےکا مطالبہ کیا ہے ۔رانا نیئر نامی پاکستانی اہلکارکو افغانستان کے صوبے ننگر ہار میں ان کی رہائش گاہ کےباہرنشانہ بنایا گیا،خاندانی ذرائع کا کہنا ہے کہ رانا نیئر کو جلال آباد میں ان کے گھر کے باہر گولیاں ماری گئیں، حملہ آور موٹر سائیکل پر سوار تھے ۔
افغانستان کے مقامی ذرائع ابلاغ نے بھی تصدیق کی ہے کہ رانا نیئر کو جلال آباد میں موٹر سائیکل پر سوار حملہ آوروں نے فائرنگ کر کے قتل کیا, وہ اسسٹینٹ کے عہدے پر تعینات تھے۔
پاکستانی دفتر خارجہ نے افغانستان میں پاکستانی سفارتی عملے کے اہلکار کے قتل کی شدید الفاظ میں مذمت کرتے ہوئے افغان حکومت سے پاکستانی عملے کی سیکیورٹی بڑھانے کا مطالبہ کیا ہے۔

اپنا تبصرہ بھیجیں