کنٹرول لائن پر بھارتی فائرنگ سے 2 بچے شہید

اسلام آباد: بھارتی فوج کی کنٹرول لائن پر ایک بار پھر بلا اشتعال فائرنگ۔ فائرنگ سے دو بچے شہید ہوگئے۔پاک فوج کے شعبہ تعلقات عامہ (آئی ایس پی آر) کے اعلامیہ کے مطابق بھارتی فوج نے راولا کوٹ اورچڑی کوٹ سیکٹر میں بلااشتعال فائرنگ کر دی، جس میں دیہی آبادی کو نشانہ بنایا گیا، فائرنگ سے دو بچے شہید ہو گئے۔آئی ایس پی آر کے مطابق بھارتی فوج نے کنٹرول لائن پرکاکوٹا، شفر، سیریان، ناراکوٹ کی آبادی کو نشانہ بنایا۔بھارتی مارٹر گولےگاؤں شفرمیں سخی کیانی کےگھر پرگرے۔
پاک فوج کی جانب سے بھارتی فوج کی اشتعال انگیزی کا بھرپور جواب دیا گیا جس سے دشمن کی توپیں خاموش ہوگئیں۔
آئی ایس پی آر کا کہنا ہےکہ کنٹرول لائن پر فائرنگ کا سلسلہ وقفے وقفے سے جاری ہے اور بھارتی اشتعال انگیزی کے بعد پاک فوج کی چوکیوں سے بھارتی چوکیوں کے خلاف مؤثر کارروائی کی جارہی ہے جس پاک فوج کی جوابی کارروائی میں 3 بھارتی فوجیوں کی ہلاکت اور 5 کے زخمی ہونے کی اطلاع ہے۔جب کہ بھرپور جوابی کارروائی میں بھارتی چوکیوں کو شدید نقصان پہنچا ہے۔