لاہور(ایس این این) فیڈرل بورڈ آف ریو نیو نے ساہیوال کول پراجیکٹ کے اکاونٹس منجمد کرکے26کروڑ60لاکھ روپے کی ریکوری کر لی ۔ایف بی آر کے مطابق چینی کمپنی کے ذمہ2017ءکے سیلز ٹیکس کی مد میں 2ارب60کروڑ واجب الادا تھے۔کارپوریٹ آر ٹی اوز ون فور کے کمشنر جمشید فخری کی ہدایات پر ٹیم نے گلبرگ انڈسٹریل اینڈ کمرشل بینک آف چائنہ میں اکاونٹس منجمد کر کے ریکوری کی ۔علاوہ ازیں ایف بی آر نے معروف ڈیپارٹمنٹل
اسٹور کو 90لاکھ روپے کی ادائیگی کے لئے شوکازنوٹس جاری کردیا ۔ ڈیپارٹمنٹل کو 2017کے ود ہولڈنگ ٹیکس کی مد میں نوٹس جاری کیا گیا ۔
