ساہیوال: سید حسن غلام مرتضی شیرازی پی ٹی آئی میں‌شامل

ساہیوال(ایس این این )ساہیوال کی معروف سیاسی و بااثر شخصیت سابق ایم پی اے سید غلام مرتضی شیرازی کے بیٹے امیدوار برائے صوبائی اسمبلی حلقہ پی پی 198ساہیوال سید حسن غلام مرتضی شیرازی ایڈووکیٹ نے صدر ویسٹ پنجاب رائے حسن نواز خاں اور جنرل سیکرٹری ویسٹ پنجاب محمد فیض کموکا کی موجودگی میں پا کستان تحریک انصاف میں شمولیت اختیار کر لی ۔اس موقع پر سابق وفاقی وزیر پٹرولیم چوہدری نوریز شکور خاں ،شیخ محمد چوہان سابق ایم پی اے ،ملک محمد یار ڈھکو سابق چیئرمین ضلع کونسل ساہیوال و امیدوار برائے قومی اسمبلی حلقہ این اے 148ساہیوال ،چوہدری صغیر انجم امیدوار برائے صوبائی اسمبلی حلقہ پی پی 197ساہیوال ،میاں بابر صغیر صدر یوتھ کونسل ویسٹ پنجاب ،ملک فیصل جلال دین ڈھکو ،میاں سجاد ناصر سمیت رہنما و عہدیداران پا کستان تحریک انصاف بھی موجود تھے ۔سید حسن غلام مرتضی شیرازی ایڈووکیٹ کا کہنا تھا کہ چیئرمین پا کستان تحریک انصاف کے سیاسی ویژن اور مکمل اعتماد کر تے ہو ئے پا کستان تحریک انصاف میں شمولیت کی ہے ۔چیئرمین پا کستان تحریک انصاف عمران خان کا کر پٹ سسٹم اور کر پشن کے خلاف سیاسی جدوجہد جہاد سے کم نہیں ۔وہ ملکی بقا اور ملک و قوم کی ترقی و خوشحالی کے لئے سیاسی کردار ادا کر رہے ہیں ۔

اپنا تبصرہ بھیجیں