اچھے کرکٹر کا اچھا سیاستدان ہونا ضروری نہیں: اسفند یار ولی

پشاور: اے این پی کے سربراہ اسفند یار ولی نے کہا ہے کہ ضروری نہیں اچھاکرکٹراچھا سیاستدان بھی ہو،عمران خان کسی کونہیں بخشتےسب کوگالیاں دیتے ہیں۔چمن میں جلسےسےخطاب میں اسفندیارولی کا کہنا تھا کہ آج کل انتخابات کرانے کا نیا شوشا چھوڑا جارہا ہے، پارلیمنٹ کواپنی مدت پوری کرنےدیں، وزیراعظم شاہد خاقان عباسی نوازشریف کے سی پیک کے وعدے پورے کریں۔
عوامی نیشنل پارٹی کے سربراہ نے کہا کہ ملک میں ایک اہم مسئلہ فاٹا کا ہے،فاٹا سے متعلق حکومت نے کمیٹی بنائی جس پر ہمیں اعتراض تھا۔
انہو نے مزید کہا کہ تسلیم کرتاہوں کہ عمران خان اچھے کرکٹر ہیں، مگر ضروری نہیں اچھاکرکٹراچھا سیاستدان بھی ہو،آج عمران خان جلد انتخابات کا مطالبہ کررہےہیں، جمہوریت اور آئین میں پارلیمنٹ کو مدت دی گئی ہے۔