مقبوضہ بیت المقدس میں فائرنگ سے 3 اسرائیلی ہلاک

یروشلم: مقبوضہ مغربی کنارے میں ایک فلسطینی نے فائرنگ کرکے تین اسرائیلی اہلکاروں کو موت کے گھاٹ اتار دیا۔
فلسطینی اتھارٹی کے زیر انتظام علاقے ہرادر میں قائم غیر قانونی یہودی بستی میں داخل ہونے والے ایک شخص نے فائرنگ کردی جس کے نتیجے میں 3 اہلکار موقع پر ہلاک جب کہ ایک زخمی ہوگیا۔ فائرنگ کے تبادلے میں فائرنگ کرنے والا فلسطینی بھی جاں بحق ہوگیا۔حملے میں ایک بارڈر پولیس اہلکار جب کہ 2 سول گارڈز ہلاک ہوئے ہیں، فائرنگ کے تبادلے میں مبینہ حملہ آور بھی ہلاک ہوگیا ہے جس کی شناخت ’’نمر الجمال‘‘ کے نام سے ہوئی ہے۔ جو چار بچوں کا باپ اور یہودی آباد میں مزدوری کرنے کے اجازت نامے کا حامل تھا۔ مقامی حکام کا کہنا ہے کہ نمر الجمال کا کسی بھی مزاحمت کار گروپ سے کوئی تعلق نہیں تھا۔