اسلام آباد: سپریم کورٹ کے حکم کی روشنی میں شریف خاندان کے خلاف دائر کرائے گئے نیب ریفرنسز میں سنگین غلطیوں کا انکشاف۔ نجی ٹی وی کے مطابق احتساب عدالت میں نیب کی جانب سے شریف خاندان کے خلاف دائر کرائے گئے ریفرنسز کی جانچ پڑتال کا عمل جاری ہے، احتساب عدالت کے فاضل جج نے رجسٹرار آفس کو دستاویزات کی جانچ پڑتال مکمل کرکے 14 ستمبر تک ریفرنس عدالت میں پیش کرنے کا حکم دیا ہے۔رجسٹرار آفس کے ذرائع کے مطابق نیب کے دائر کردہ ریفرنسز میں واشگاف غلطیوں کا انکشاف ہوا ہے۔ کئی صفحات دو مرتبہ ریفرنسز کا حصہ بنائے گئے ہیں جب کہ ریفرنسز میں سے بعض اہم شوہدات والے صفحات بھی غائب ہیں۔واضح رہے کہ نیب نے سپریم کورٹ کے حکم کی روشنی میں گزشتہ ہفتے شریف خاندان اور وزیر خزانہ اسحاق ڈار کے خلاف 4 ریفرنس دائر کیے ہیں۔
Load/Hide Comments