ساہیوال(ایس این این) پیٹرولیم مصنوعات کی قیمتوں میں اضافے کی افواہوں کے بعد ساہیوال کے پٹرول پمپس پر رش لگ گیا۔پیٹرولیم مصنوعات کی قیمتوں میں اضافے کی افواہیں پھیلنے کے بعد ساہیوال میں فرید ٹاؤن روڈ، جناح ہال روڈ، بیرون لاری اڈہ، مال منڈی اور فرید ٹاؤن کے علاوہ گرد ونواح کے پٹرول پمپس پر رش لگ گیا۔لوگوں کی بڑی تعداد پیٹرول کی قیمت میں اضافے کی افواہ سنتے ہی پیٹرول پمپس پر پہنچ گئی، جہاں طویل قطاریں لگ گئیں۔ساہیوال کے مختلف پیٹرول پمپس پر بڑی تعداد میں گاڑیوں اور موٹر سائیکلوں کی قطاریں دیکھی گئیں۔اس دوران پیٹرول پمپس پر گاڑیوں اور موٹر سائیکلوں سواروں کے درمیان پیٹرول کے حصول کے لیے دھکم پیل اور جھگڑے بھی دیکھنے میں آئے ہیں۔
