ٹائلٹ میں سانپ دیکھ کر بچہ 'بدحواس' ہو گیا

برطانیہ میں ایک پانچ سالہ بچے نے جب ٹائلٹ کا ڈھکن اٹھایا تو اس کے اندر تین فٹ لمبا سانپ نکلا۔ایسکس کے رہائشی بچے کی والدہ نے کہا ہے کہ بچہ اپنے باتھ روم میں سانپ دیکھ کر بدحواس ہو گیا۔سانپوں کے ماہرین نے آ کر پائیتھن نسل کے اس بےضرر سانپ کو ٹوائلٹ کے اندر سے نکالا۔ اس کی لمبائی تین فٹ تھی اور یہ ابھی بچہ تھا۔
بچے کی ماں مسز کوویل نے کہا کہ سانپ دیکھ کر بچہ ‘بدحواس ہو گیا اور کانپنے لگا۔ مجھے اندازہ ہو گیا کہ کوئی مسئلہ ہے، لیکن یہ اندازہ نہیں تھا کہ یہ معاملہ ہو گا۔‘سانپوں کے ماہر یلڈہیم نے کہا کہ ‘میں نے پچھلے دس سالوں میں کئی سانپ بچائے ہیں لیکن کبھی پہلے ٹوائلٹ میں سانپ نہیں دیکھا تھا۔ یہ میرے لیے پہلی بار ہے۔’سانپ کو بلیج کی وجہ سے زخم آئے تھے اور اس کا علاج کیا جا رہا ہے ۔یلڈہیم کا اندازہ ہے کہ یہ سانپ کسی پڑوسی کا پالتو سانپ ہے جو کسی طرح مسز کوویل کے ٹوائلٹ کے پائپ میں گھس گیا۔مسز کوویل کہتی ہیں کہ وہ اس واقعے کے بعد اتنی خوفزدہ ہو گئیں کہ انھوں نے ٹوائلٹ کے ڈھکن پر بھاری وزن رکھنے شروع کر دیے۔