کلثوم نواز کے کمرے میں گھسنے والا شخص پی ٹی آئی کا رکن نکلا

لندن (ایس این این )بیگم کلثوم نواز کے کمرے میں گھسنے کی کوشش کرنیوالا شخص تحریک انصاف کے اہم رہنماؤں کا قریبی رشتہ دار نکلا، ڈاکٹر نوید ماضی میں خود بھی پی ٹی آئی کا رکن رہاہے ۔نجی ٹی وی چینل کے مطابق لندن کے ہارلے سٹریٹ کلینک میں زیر علاج بیگم کلثوم نواز کے کمرے میں گھسنے کی کوشش کرنیوالے ڈاکٹر نوید فاروق نامی شخص کے بارے میں انکشاف ہوا ہے کہ وہ تحریک انصاف کے اہم عہدیداران کا رشتہ دار ہے ۔ پولیس نے اس شخص کے موبائل سے ویڈیو بھی بر آمد کیں جو ہسپتال کے اندرسے بنائی گئی تھیں۔ پولیس کا کہنا ہے کہ اس معاملے سے جنرل میڈیل کونسل کو بھی آگاہ کردیا ہے جو اس پرمزید ایکشن لے گی ۔ ڈاکٹر نوید ماضی میں تحریک انصاف کا باقاعدہ رکن بھی رہاہے جبکہ راولپنڈی میں تحریک انصاف کے رہنما چودھری اصغر کا بھانجا ہے ۔ ڈاکٹر نوید کادوسرا ماموں لندن میں تحریک انصاف کا رکن ہے۔واضح رہے کہ ہارلے سٹریٹ کلینک میں داخل ہو نے والے شخص ڈاکٹرنوید کو لندن پولیس نے وارننگ دیکر چھوڑ دیا گیا جبکہ آئندہ ہسپتال سے دور رہنے کی ہدایت کردی ہے ۔

اپنا تبصرہ بھیجیں