ساہیوال(ایس این این) ملک بھر میں عید کا چاند نظر آنے کی کوئی شرعی شہادت موصول نہیں ہوئی۔ اس بنا پر عید 16 جون 2018ء کو ہو گی۔ آج کراچی سمیت لاہور، اسلام ، کوئٹہ اور پشاور میں رویت ہلال کمیٹی کے اجلاس منعقد ہوئے۔ذرائع کے مطابق ملک کے کسی بھی حصے سے کمیٹی کورویت کی کوئی اطلاع موصول نہیں ہوئی۔ دوسری جانب ترکی، ملائشیا، انڈونیشیاعرب امارات میں چاند نظر آ گیا ہے ۔ان ممالک میں کل یکم شوال ہو گی اور عید الفطر بھرپور مذہبی جذبے سے منائی جائے گی۔کاغان، پشاور، صوابی اور دیگر علاقوں میں مطلع صاف ہونے کے باوجود چاند نظر نہیں آیا.تاہم رویت ہلال کمیٹی رات نو بجے حتمی اعلان کرے گی. محکمہ موسمیات کے مطابق ساحلی پٹی اور بلوچستان میں چاند نظر آنے کے امکانات موجود ہیں تاہم مجموعی طور پر چاند نظر آنے کے امکانات کم ہیں.
