ناصر محمود کھوسہ پنجاب کے نگراں وزیراعلیٰ نامزد

لاہور(ایس این این ) وزیراعلیٰ پنجاب شہباز شریف اور اپوزیشن لیڈر محمود الرشید نے متفقہ طور پر ناصر محمود کھوسہ کو پنجاب کا نگراں وزیراعلیٰ نامزد کیاہے۔ذرائع کے مطابق وزیراعلیٰ پنجاب شہباز شریف اور پنجاب اسمبلی میں اپوزیشن لیڈر محمود الرشید کے درمیان نگراں وزیراعلیٰ کی نامزدگی کے حوالے سے اہم ملاقات ہوئی جس میں ناصرمحمود کھوسہ کے نام پر اتفاق کرلیا گیا۔
وزیراعلیٰ پنجاب شہباز شریف اور قائد حزب اختلاف محمود الرشید نے نگراں وزیراعلیٰ ناصر کھوسہ کی نامزدگی کا اعلان کرتے ہوئے بتایا کہ نامزدگی کے لیے دونوں رہنماؤں کے درمیان پرسوں ملاقات ہوئی تھی جس میں کئی دیگر ناموں پر بھی تبادلہ خیال کیا گیا لیکن ناصرمحمود کھوسہ کے نام پر اتفاق کیا گیا جب کہ دونوں رہنماؤں نے ناصر کھوسہ کے لیے نیک خوانشات کا اظہار کیا۔ناصرمحمود کھوسہ اس سے قبل چیف سیکرٹری بلوچستان، پنجاب اور وزیراعظم کے ایڈیشنل سیکرٹری کے فرائض انجام دے چکے ہیں، دوران ملازمت آپ نے صوبائی حکومت کے تمام محکموں میں خدمات انجام دی جہاں آپ کی کی شہرت ایک ایماندار اور اصول پسند افسر کی رہی ہے۔

اپنا تبصرہ بھیجیں